काठमाडौंमा थपिए २०५ कोरोना संक्रमित
काठमाडौँ, २९, साउन । पछिल्लो २४ घण्टामा काठमाडौं उपत्यकामा २०५ जना कोभिड १९ संक्रमित थपिएका छन् । आज काठमाडौंमा १५२, भक्तपुरमा पाँच र ललितपुरमा ४८ जना संक्रमित थपिएका हुन् ।
योसँगै उपत्यकामा सक्रिय संक्रमितको संख्या तीन हजार ६४५ पुगेको छ । उपत्यकाबाहिर सबैभन्दा धेरै आज कास्कीमा ३२ जना संक्रमित देखिएका छन् ।
आज देशभर रहेका पाँच हजार ४३५ जना सक्रिय संक्रमितमध्ये पाँच हजार २४६ जना होम आइसोलेसनमा र १८९ जना संस्थागत आइसोलेसन छन् ।
अस्पतालमा रहेकामध्ये ६५ जना आईसीयूमा र दुईजना भेन्टिलेटरमा रहेको स्वास्थ्य तथा जनसंख्या मन्त्रालयले जनाएको छ ।
