पछिल्लो २४ घण्टामा नेपालमा १७ जनामा संक्रमण पुष्टि
काठमाडौँ, २५, वैशाख । पछिल्लो २४ घण्टामा नेपालमा १७ जनामा कोरोना भाइरसको सङ्क्रमण पुष्टि भएको छ । स्वास्थ्य मन्त्रालयका अनुसार पछिल्लो २४ घण्टामा ४ हजार १० जनामा कोरोना परीक्षण गर्दा उक्त संख्या बराबरमा संक्रमण पुष्टि भएको हो ।
यस्तै पछिल्लो २४ घण्टामा २१ जना निको भएका छन् । यो संगै मुलुकभर निको हुनेको संख्या ९ लाख ६६ हजार ७८९ पुगेको छ ।
पछिल्लो २४ घण्टामा कोरोनाका कारण कसैको पनि ज्यान गएको छैन । नेपालमा कोरोना सङ्क्रमणका कारण अहिलेसम्म ११ हजार ९ सय ५२ जनाको ज्यान गुमाइसकेका छन् ।
नेपालमा अहिले २०१ जना कोरोना भाइरसका सक्रिय सङ्क्रमित रहेका छन् ।
यस्तै, पछिल्लो २४ घण्टामा २२ हजा १०६ जनाले कोरोनाविरुद्धको खोप लगाएका मन्त्रालयले जनाएको छ ।
