सबै भन्दा महँगो साल्ट ट्रेडिङको सेयर, किन ?
काठमाडौँ १९ फागुन । हिजो ९ दशमलव ९८ प्रतिशतले वृद्धि भएर प्रतिकिता ९ हजार २९२ पुगेको साल्ट ट्रेडिङको सेयर कारोबारमा आज पनि उछाल आएको छ । आज कम्पनीको सेयर प्रति कित्ता १० हजार रुपैयाँ नाघेको छ । साल्ट ट्रेडिङले हकप्रद निष्काशन गर्दै भन्ने हल्ला बढेसँगै बजारमा यसको मूल्य बढ्दै गएको बताएका छन् ।
त्यस्तै बुधबारको कारोबारमा साल्ट ट्रेडिङको सेयरमा सर्किट ब्रेकर नै लागेको छ । हकप्रद सेयर जारी गर्दैछ भन्ने हल्लाबाजी गरेर साल्टको सेयर मूल्य बढाइरहेको हुनसक्ने केही लगानीकर्ताहरूको आकलन छ । आजको मूल्य वर्ष भरिकै महँगो मूल्य हो ।
गत वर्ष ४ मार्चमा साल्टको सेयर प्रति कित्ता दुई हजार सात सय ४३ रुपैयाँबाट सुरु भएको थियो । जसअनुसार अहिले साल्टको सेयर कित्तामा सात हजार पाँच सय रुपैयाँ महँगिएको छ । सर्किट ब्रकेर लागेपछि साल्टको सेयर मूल्य १० हजार दुई सय २२ रुपैयाँमा रोकिएको छ ।
