दस महिनामा १० लाखभन्दा बढी विदेशी पर्यटक नेपाल भित्रिए
मंसिर २। सन् २०२६ को पहिलो दस महिनामा हवाई मार्गबाट १० लाख ९ हजारभन्दा बढी विदेशी पर्यटक नेपाल भित्रिएका छन्। नेपाल पर्यटन बोर्डको तथ्याङ्क उद्धृत गर्दै सार्वजनिक विवरणअनुसार अक्टोबर महिनामा मात्रै करिब एक लाख ३३ हजार पर्यटक नेपाल आएका छन्। गत भदौमा आएको बाढीपछि सुस्ताएको पर्यटन व्यवसाय शरद ऋतु सुरु भएसँगै पुनः चलायमान हुन थालेको छ। पर्यटकको आगमन बढेसँगै काठमाडौंको ठमेलसहित विभिन्न पर्यटकीय क्षेत्रमा चहलपहल बढेको छ र होटल तथा पर्यटन व्यवसायीमा उत्साह थपिएको छ।









