रसुवामा उद्धार जारी, १२१ जना अझै सुरुङभित्र फसेको आशंका
भाद्र २४। रसुवामा भदौ १० गते आएको विनाशकारी बाढीपछि जलविद्युत् आयोजनाका सुरुङमा फसेका कामदारको खोजी तथा उद्धार जारी छ। नेपाली सेनाको आकलनअनुसार विभिन्न जलविद्युत् आयोजनाका सुरुङमा १२१ जना प्रवेश गरेको प्रमाण भेटिएको छ र उनीहरूको अवस्था पत्ता लगाउन उद्धार टोलीले खोजी तीव्र बनाएको छ।
यसअघि त्रिशूली–३ ‘ए’ आयोजनाको सुरुङबाट दुई कामदारलाई जीवितै उद्धार गरिएपछि अन्य सुरुङमा रहेका व्यक्तिलाई पनि जीवितै उद्धार गर्न सकिने आशा बढेको छ। उद्धार टोलीले सुरुङभित्रको माटो, ढुंगा र पानी हटाउँदै खोजी गरिरहेको छ।
