पाल्पामा दुई महिनामै २५५ जनामा डेङ्गु संक्रमण
भाद्र २३। पाल्पामा पछिल्लो दुई महिनामै २५५ जनामा डेङ्गु संक्रमण पुष्टि भएको छ। स्वास्थ्य कार्यालय पाल्पाका अनुसार जिल्लामा डेङ्गु संक्रमितको संख्या बढ्दै गएको हो। वर्षायामसँगै लामखुट्टेको प्रजनन बढ्दा संक्रमण फैलिने जोखिमसमेत बढेको भन्दै स्वास्थ्यकर्मीहरूले घरवरपर पानी जम्न नदिन, सरसफाइमा विशेष ध्यान दिन र डेङ्गुका लक्षण देखिएमा तत्काल स्वास्थ्य संस्था जान आग्रह गरेका छन्। डेङ्गुबाट जोगिन लामखुट्टेको टोकाइबाट बच्नुका साथै पानी जम्ने स्थान नष्ट गर्नु र व्यक्तिगत तथा सामुदायिक सरसफाइमा ध्यान दिन आवश्यक रहेको स्वास्थ्यकर्मीहरूले बताएका छन्।
