हङकङले नेपालसामु राख्यो २ सय ६२ रनको लक्ष्य
भाद्र २३। एसीसी पुरुष प्रिमियर कपअन्तर्गत हङकङले नेपालसामु २६२ रनको लक्ष्य प्रस्तुत गरेको छ। टस जितेर पहिले ब्याटिङ गरेको हङकङले ५० भरमा ७ओ विकेट गुमाउँदै २६१ रन बनाएको हो। हङकङका बाबर हयातले उत्कृष्ट ब्याटिङ गर्दै अविजित ११७ रनको शतकीय पारी खेले। उनले १२६ बलमा ७ चौका र ७ छक्का प्रहार गरे। एक समय १३३ रनमा ७ विकेट गुमाएर दबाबमा परेको हङकङलाई हयात र इहसान खानले आठौँ विकेटका लागि १२८ रनको अविजित साझेदारी गर्दै बलियो अवस्थामा पुर्याए। नेपालका लागि सन्दीप लामिछानेले ४ तथा शेर मल्लले ३ विकेट लिए। अब नेपालले जितका लागि २६२ रनको लक्ष्य पछ्याउँदै जवाफी ब्याटिङ गर्नेछ।
