भोटेकोशी बाढीपीडित बालबालिकालाई छात्रवृत्ति
भाद्र २३। भोटेकोशी बाढीबाट प्रभावित बालबालिकाको शिक्षालाई निरन्तरता दिन सरकारले घोषणा गरेको करिब एक अर्ब रुपैयाँको ‘सुनिश्चित भविष्य छात्रवृत्ति योजना’ कार्यान्वयनका लागि कार्यविधि तयार गर्न लागेको छ। योजनाअन्तर्गत प्रारम्भिक बालविकासदेखि कक्षा १२ सम्मका प्रभावित विद्यार्थीलाई पूर्ण, आंशिक तथा आवासीय छात्रवृत्ति उपलब्ध गराइनेछ। पाठ्यपुस्तक, पोसाक, शैक्षिक सामग्री, खाना तथा आवासको समेत व्यवस्था गरिने सरकारले जनाएको छ।
