इरान–अमेरिका वार्ताको संकेतसँगै कच्चा तेलको भाउ घट्यो!
काठमाडौँ । अन्तर्राष्ट्रिय बजारमा कच्चा तेलको मूल्यमा गिरावट आएको छ। कतारको दोहामा अमेरिका–इरानबीच सम्भावित वार्ताको अपेक्षा, चीनबाट कमजोर तेल माग तथा युद्धविरामपछि आपूर्ति सामान्य हुने संकेतका कारण तेलको मूल्य ओरालो लागेको हो।
ब्रेन्ट क्रुडको अगस्ट डेलिभरी मूल्य करिब ०.९ प्रतिशत घटेर प्रति ब्यारेल ७२.५१ अमेरिकी डलर पुगेको छ भने अमेरिकी वेस्ट टेक्सास इन्टरमिडिएट (WTI) को मूल्य पनि करिब ०.६ प्रतिशतले घटेको छ।
विश्लेषकहरूका अनुसार मध्यपूर्वमा तनाव केही कम हुने अपेक्षा, चीनको कमजोर माग र आपूर्ति पुनः सामान्य हुने संकेतले बजारमा दबाब परेको छ। यद्यपि, अमेरिका–इरान वार्ता र होर्मुज जलडमरूमध्यको अवस्थाले आगामी दिनमा तेल बजारको दिशा तय गर्ने बताइएको छ।
