पाकिस्तानका पूर्वप्रधानमन्त्री इमरान खानकी दिदी पक्राउ
असोज ५। पाकिस्तानका पूर्वप्रधानमन्त्री इमरान खानकी दिदी अलीमा खानलाई लाहोरमा प्रहरीले पक्राउ गरेको छ। लाहोरका डेपुटी कमिस्नरको आदेशअनुसार उनलाई सार्वजनिक व्यवस्था कायम गर्ने कानुनअन्तर्गत ३० दिन हिरासतमा राख्ने निर्णय गरिएको बताइएको छ।
अलीमामाथि सामाजिक सञ्जाल तथा सार्वजनिक भेटघाटमार्फत इमरान खानका समर्थकलाई आगामी सेप्टेम्बर २७ को विरोध प्रदर्शनमा सहभागी हुन आह्वान गरेको आरोप लगाइएको छ। पाकिस्तान तेहरिक–ए–इन्साफ (पीटीआई)ले भने पक्राउलाई गैरकानुनी भन्दै उनको रिहाइको माग गरेको छ।
