काठमाडौँ ११ वैशाख । कर्णाली प्रदेशकोको मुख्य पर्यटनको आर्कषण केन्द्रविन्दु मानिएको नेपालको ठूलो १०.८ वर्ग किलोमिटर क्षेत्रफलमा फैलिएको रारा तालको वरिपरी साइकल मार्ग धमाधम निर्माण भइरहेको छ । रारा घुम्न आउने पर्यटक थप मनोरन्जन प्रधान गर्ने उदेश्यले त्यहाँ साईकल मार्ग निर्माण सुचारु गरिएको हो ।

त्यस्तै साईकल मार्ग निर्माणका लागि कर्णाली प्रदेश सरकारको २ करोड ९० लाखको आर्थिक सहयोगमा आर्थिक वर्ष २०७७÷०७८ मा बिनियोजन गरीएको थियो । 

कर्णाली प्रदेशका मुख्यमन्त्री महेन्द्रबहादुर शाहीले गत असोज १ गते शिलान्यास गरेको उक्त मार्ग  रारा ताल वरिपरी १४.५ किलोमिटर साइकल मार्ग शंकर मालि निर्माण सेवाले निर्माणको जिम्मा लिएको छ । रारा तालको वरिपरी पैदल यात्रा गर्न समय लाग्ने भएकाले प्रदेश सरकारले साइकलमा यात्रा गराउन सो पदमार्गको निर्माण थालिएको हो  ।