पछिल्लो २४ घण्टामा थपिए २३ सय ७० नयाँ संक्रमित
काठमाडौं, २८, असार। नेपालमा कोरोना संक्रमितको संख्या सात लाख नाघेको छ। पछिल्लो २४ घण्टामा कोरोनाका २३ सय ७० जना नयाँ संक्रमित थपिएसँगै कुल संक्रमितको संख्या सात लाख एक हजार ४५८ पुगेको स्वास्थ्य तथा जनसंख्या मन्त्रालयले जनाएको छ। मन्त्रालयका अनुसार पछिल्लो २४ घण्टामा आरडिटीमार्फत सात हजार ६८९ र एन्टीजेन विधिमार्फत तीनहजार ८९५ गरी कुल ११ हजार ५५८ वटा कोरोनाको नमूना परीक्षण गरिएको थियो।
