कोभिड संक्रमणबारे जानकारी लिन ‘सेरो प्रिभिलेन्स सर्भे’ गर्ने
काठमाडौँ १६ असार । सरकारले कोरोनाभाइरस (कोभिड–१९) संक्रमणको अवस्थाबारे जानकारी लिन ‘सेरो प्रिभिलेन्स सर्भे’ गर्ने भएको छ । देशभरका ७७ जिल्लामा पुगेर १३ हजार नमुना संकलन गर्ने तयारी गरिएको स्वास्थ्य तथा जनसंख्या मन्त्रालयले जानकारी दिएको हो ।
संक्रमणको अवस्थाबारे जानकारीका लागि ‘सेरो प्रिभिलेन्स सर्भे’ सुरु गर्न लागिएको स्वास्थ्य तथा जनसंख्या मन्त्रालयका प्रवक्ता डा.कृष्णप्रसाद पौडेल बताए । बुधबार आयोजित पत्रकार सम्मेलनमा उनले नमुना संकलनका लागि अबको दुई दिनमा गाउँ–गाउँ सर्भे प्राविधिकहरू पुग्ने भएकाले सहयोग गर्न सबैलाई आग्रह गरे ।
डा. पौडेलले यो सर्भेको नतिजाले आगामी दिनमा कोरोनाभाइरस संक्रमणसँग जुध्न गर्ने तयारी र योजनाका लागि सहयोग गर्ने बताए ।नेपाल स्वास्थ्य अनुसन्धान परिषद्, केन्द्रीय तथ्याङ्क विभाग इपिडिमियोलोजी तथा रोग नियन्त्रण महाशाखा र विश्व स्वास्थ्य संगठनको सहकार्यमा सेरो प्रिभिलेन्स सर्भे सुरु गर्न लागिएको उनले जानकारी दिए ।
संक्रमणको अवस्थाबारे जानकारीका लागि ‘सेरो प्रिभिलेन्स सर्भे’ सुरु गर्न लागिएको स्वास्थ्य तथा जनसंख्या मन्त्रालयका प्रवक्ता डा.कृष्णप्रसाद पौडेल बताए । बुधबार आयोजित पत्रकार सम्मेलनमा उनले नमुना संकलनका लागि अबको दुई दिनमा गाउँ–गाउँ सर्भे प्राविधिकहरू पुग्ने भएकाले सहयोग गर्न सबैलाई आग्रह गरे ।
डा. पौडेलले यो सर्भेको नतिजाले आगामी दिनमा कोरोनाभाइरस संक्रमणसँग जुध्न गर्ने तयारी र योजनाका लागि सहयोग गर्ने बताए ।नेपाल स्वास्थ्य अनुसन्धान परिषद्, केन्द्रीय तथ्याङ्क विभाग इपिडिमियोलोजी तथा रोग नियन्त्रण महाशाखा र विश्व स्वास्थ्य संगठनको सहकार्यमा सेरो प्रिभिलेन्स सर्भे सुरु गर्न लागिएको उनले जानकारी दिए ।
