चक्रवात अर्नबको प्रभाव : कोशी र बागमतीसहित देशका विभिन्न क्षेत्रमा वर्षा जारी
कात्तिक १४ — बंगालको खाडीमा विकसित चक्रवात ‘अर्नब’को प्रभाव नेपालमा देखिन थालेको छ। यसको प्रभावसँगै कोशी र बागमती प्रदेशका विभिन्न स्थानमा वर्षा भइरहेको छ। काठमाडौं उपत्यकामा समेत वर्षा भइरहेको छ भने मधेश प्रदेशका केही स्थानमा पनि पानी परेको छ।
जल तथा मौसम विज्ञान विभागका अनुसार देशका अधिकांश भूभागमा मौसम बदली भएको छ। कोशी, मधेश, बागमती, गण्डकी र लुम्बिनी प्रदेशका विभिन्न स्थानमा वर्षा भइरहेको छ। उच्च पहाडी तथा हिमाली क्षेत्रमा हिमपात र हिमआँधीको प्रभाव देखिएको छ।
वर्षाका कारण जनजीवन, यातायात तथा हवाई सेवामा असर पर्न सक्ने भएकाले सतर्कता अपनाउन आग्रह गरिएको छ। नदी किनार, बाढी तथा पहिरोको जोखिम भएका क्षेत्रमा विशेष सावधानी अपनाउन र अनावश्यक यात्रा नगर्न सम्बन्धित निकायले अनुरोध गरेका छन्।
