.JPG)
२५ करोड बरामद घटनाको छानबिनका लागि समिति गठन गर्न माओवादीको माग
काठमाडौं । गत सोमवार राती समातिएको २५ करोड रूपैयाँको उचित छानबिनको माग गरिएको छ । प्रमुख प्रतिपक्ष दल नेकपा माओवादी केन्द्रले केरूङतर्फ जाँदै गरेको मालबहाक ट्रकबाट २५ करोड रुपैयाँ अवैध रकम बरामद भएको बिषयमा छानबिनका लागि विशेष समिति बनाउन माग गरेको हो ।
बुधबार प्रतिनिधिसभा बैठकमा माओवादीका सांसद माधव सापकोटाले घटनाको छानबिनका लागि समिति बनाउन माग गरेका हुन् । ‘यस घटनाबारे विशेष प्रकारको छानबिन समिति निर्माण गरियोस् । यस घटनाामा संलग्न रहेका उच्च तहका नेता, कर्मचारी जो हुन्, कानुनी दायरामा ल्याउन जोडदार माग गर्दछु,’ उनले भने ।
काठमाडौं उपत्यका अपराध अनुसन्धान कार्यालयले सोमबार राति काठमाडौंको झोर क्षेत्रबाट २५ करोड रुपैयाँबराबरको विदेशी मुद्रासहित सिन्धुपाल्चोकका ४३ वर्षीय फुच्चे भनिने कुसाङ लामालाई पक्राउ गरेको थियो ।
