बढी रकम असुल गरेर कोरोना परीक्षण गर्ने दुई अस्पताल कारबाहीमा
काठमाडौँ ६ चैत । कोरोना परीक्षणका क्रममा बढी रकम असुल गर्ने दुई अस्पताल कारबाहीमा परेका छन् । कारबाहीमा पर्नेमा पुरानो मेडिकल कलेज भरतपुर र स्टार अस्पताल सानेपा रहेका छन् । यी दुई अस्पताल विरुद्ध पीसीआर शुल्क धेरै असुलेको भन्दै मुद्दा दायर गर्दै कारबाही गरिएको हो ।
चितवनका प्रमुख जिल्ला अधिकारी प्रेमलाल लामिछानेका अनुसार शिक्षण अस्पताललाई १८ लाख र स्टार अस्पताललाई ५ लाख रुपैयाँ धरौटी मागसहित मुद्दा दायर गरिएको हो । सरकारले पीसीआर शुल्क दुई हजार रुपैयाँ तोकेकामा अस्पतालले तीन हजार रुपैयाँ शुल्क लिएपछि यी अस्पताल कारबाहीमा परेका छन् ।
अहिले शिक्षण अस्पतालका प्रमुख कार्यकारी निर्देशक डा. सुप्रभात श्रेष्ठ र स्टार अस्पतालका अध्यक्ष किशोरकुमार महर्जन धरौटी जम्मा गरी तारेखमा रिहा भएका छन् ।
चितवनका प्रमुख जिल्ला अधिकारी प्रेमलाल लामिछानेका अनुसार शिक्षण अस्पताललाई १८ लाख र स्टार अस्पताललाई ५ लाख रुपैयाँ धरौटी मागसहित मुद्दा दायर गरिएको हो । सरकारले पीसीआर शुल्क दुई हजार रुपैयाँ तोकेकामा अस्पतालले तीन हजार रुपैयाँ शुल्क लिएपछि यी अस्पताल कारबाहीमा परेका छन् ।
अहिले शिक्षण अस्पतालका प्रमुख कार्यकारी निर्देशक डा. सुप्रभात श्रेष्ठ र स्टार अस्पतालका अध्यक्ष किशोरकुमार महर्जन धरौटी जम्मा गरी तारेखमा रिहा भएका छन् ।
