२ हजार १२० को परीक्षण गर्दा ५३ कोरोना संक्रमित थपिए
काठमाडौँ, १९, असार । पछिल्लो २४ घन्टामा देशभर थप ५३ जनामा कोरोना भाइरस संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार आइतबार ५३ जनामा संक्रमण पुष्टि भएको हो। २ हजार १२० जनाको कोरोना परीक्षण गर्दा उक्त संख्यामा संक्रमित थपिएका हुन्।
एक हजार १६२ जनाको पिसिआर र ९ सय ५८ जनाको एन्टिजेन परीक्षण गरिएको थियो। अहिले देशभर ३३३ जना सक्रिय संक्रमित छन्।
२० जना संक्रमित निको समेत भएका छन्। कोरोना संक्रमणबाट पछिल्लो २४ घण्टामा मृत्यु हुनेको संख्या शून्य छ।
