काठमाडौँ। पहिलो सिजनमै अत्याधिक रुचाएको कमेडी शो 'कमेडी च्याम्पियन' को दोस्रो सिजन यहि फागुन २१ गतेदेखि प्रशारण हुने भएको छ। कान्तिपुर टेलिभिजनबाट हरेक शुक्रबार र शनिबार बेलुकी ९ बजेबाट १० बजेसम्म यो शो प्रशारण हुनेछ ।

दोस्रो सिजनको अडिसन सकिएर हाल धमाधम फिजिकल अडिसनको छायांकन भईरहेको छ। दोश्रो सिजनलाई पहिलो सिजन भन्दा झनै उत्कृष्ट बनाउन कुनै कसर बाँकी नराख्ने यसका निर्देशक विशाल भण्डारीले बताए ।

थ्री प्रोडक्सनको प्रस्तुतिमा निर्माण भईरहेको यस शोका कार्यकारी निर्माता केकी अधिकारी, विशाल भण्डारी, राज घिमिरे र रीमा विश्वकर्मा हुन् भने कार्यक्रमलाई मोडल तथा अभिनेत्री रीमा विश्वकर्माले होस्ट गर्दैछिन । 

शोका निर्णायकहरुमा भने मनोज गजुरेल, ऋचा शर्मा, सन्तोष पन्त र  प्रदिप भट्टराई रहेका छन।