देउवाले प्रधानमन्त्रीलाई भनेः विश्वासको मतमा सहयोग गर्दैनौं
काठमाडौं २२ वैशाख ।भर्खरै सम्पन्न भएको नेकपा (एमाले) र नेपाली कांग्रेसका नेताहरुबीचको भेटवार्तामा देउवाले प्रधानमन्त्रीलाई विश्वासको मतमा सहयोग गर्न नसक्ने बताएका छन् । करिब २ घण्टा देउवा निवास बुढानिलकण्ठमा भएको भेटवार्ता भर्खरे सम्पन्न भएको हो । प्रधानमन्त्री केपी शर्मा ओलीले यही बैशाख २७ गते विश्वासको मत लिने भएका छन् ।
बैठकमा सहभागी कांग्रेस सहमहामन्त्री प्रकाशशरण महतले ओलीको भनाइ उद्धृत गर्दै भने, “प्रधानमन्त्रीज्यूले लोकतन्त्रका लागि सँगै लडेका हौं, मलाई विश्वासको मतमा सघाउनुस् भन्नुभयो।”
कांग्रेसले कोभिड–१९ नियन्त्रणमा सहयोग गर्ने, तर संसद्मा विश्वासको मत दिन नसक्ने स्पष्ट धारणा राखेको महतले जानकारी दिए। महतका अनुसार, अध्यादेश मार्फत शासन गर्न खोजेको र लुम्बिनीमा सत्ता पक्षले लोकतान्त्रिक संस्था कमजोर बनाउने काम गरेको देउवाको गुनासो थियो ।
बैठकमा सहभागी कांग्रेस सहमहामन्त्री प्रकाशशरण महतले ओलीको भनाइ उद्धृत गर्दै भने, “प्रधानमन्त्रीज्यूले लोकतन्त्रका लागि सँगै लडेका हौं, मलाई विश्वासको मतमा सघाउनुस् भन्नुभयो।”
कांग्रेसले कोभिड–१९ नियन्त्रणमा सहयोग गर्ने, तर संसद्मा विश्वासको मत दिन नसक्ने स्पष्ट धारणा राखेको महतले जानकारी दिए। महतका अनुसार, अध्यादेश मार्फत शासन गर्न खोजेको र लुम्बिनीमा सत्ता पक्षले लोकतान्त्रिक संस्था कमजोर बनाउने काम गरेको देउवाको गुनासो थियो ।
