राप्रपाको वैशाख ७ मा निषेधित क्षेत्रमै प्रदर्शन, वैशाख ९ मा देशव्यापी विरोध कार्यक्रम
काठमाडौं — राप्रपाले वैशाख ७ गते सरकारले निषेधित क्षेत्र घोषणा गरेका स्थानहरूमा विरोध प्रदर्शन गर्ने निर्णय गरेको छ। बिहीबार बसेको केन्द्रीय कार्यसम्पादन समितिको बैठकले चैत १५ गतेको प्रदर्शनमा पक्राउ परेका नेताहरूको रिहाइको माग गर्दै आन्दोलन सशक्त बनाउने घोषणा गरेको हो।
पार्टीले वैशाख ९ गते देशभरका सबै जिल्लामा धर्ना, सभा र विरोध कार्यक्रम सञ्चालन गर्ने निर्णय समेत गरेको छ। साथै, आन्दोलनलाई थप प्रभावकारी बनाउन आन्दोलन विशेष समिति गठन गरिनेछ।
राप्रपाका अध्यक्ष राजेन्द्र लिङ्देनले आन्दोलनसँगै संगठन विस्तारको अभियान पनि अघि बढाउने जानकारी दिए। उनका अनुसार सबै नेता तथा कार्यकर्तालाई गाउँगाउँ र वडातहसम्म पु¥याउने योजना बनाइएको छ।
