एजेन्सी । भारतमा भईरहेको किसानको आन्दोलनका बारेमा अभिनेत्री कंगना रनावतले लगातार ट्वीट गरिरहेकी छिन । मंगलबार देशभरका किसानले ट्रयाक्टर र्याली गर्दा विभिन्न स्थानमा झडप समेत हुन पुग्यो।  यसै सन्दर्भमा कंगनाले ट्वीट मार्पत आक्रोश व्यक्त गरेकी थिइन् । 

किसानको विरोध गरेको आक्रोशपूर्ण ट्वीटका कारण कंगनाले करोडौको प्रोजेक्ट गुमाएकी छिन । कंगनाका अनुसार किसानको विरोध गर्दा ६ वटा ठूला ब्राण्डले उनीसँग गरेको र गर्न लागेका सम्झौता रद्द गरेका छन् । त्यसमा केहीमा सम्झौता भइसकेको थियो भने केही हुनेवाला थिए । 

मैले किसानलाई आतंकवादी भनेर बोलाएको उनीहरुको भनाई छ । त्यहीकारण उनीहरुले मलाई एम्बासडर बनाउन चाहेनन्’, उनले लेखेकी छिन । यसका बाबजुत कंगनाले हिंसाको समर्थन गर्ने जो कोही भारतीय व्यक्ति आतंकवादी रहेको दाबी गरेकी छन् । ‘त्यसमा ती व्यक्ति पनि सहभागी छन्, जो एन्टी नेशनल ब्राण्ड हुन्’, उनले लेखेकी छन् ।