बाजुरामा वर्षाको कहर : पहिरोले घरमा क्षति, सडकसमेत अवरुद्ध
२१ भदौ। बाजुराको बडीमालिका नगरपालिका–९ मा अविरल वर्षासँगै आएको पहिरोले आधा दर्जनभन्दा बढी घरमा क्षति पुर्याएको छ। पहिरोका कारण मार्तडीस्थित कारागार मोड, विनोद स्मृति प्रतीक्षालय, सेलागाड र सुवाकाँधलगायत क्षेत्रमा सडकसमेत अवरुद्ध भएको छ। पहिरोपछि जिल्ला प्रहरी कार्यालयबाट टोली परिचालन गरिएको छ भने बडीमालिका नगरपालिका र सडक विभागको जेसीबी प्रयोग गरी सडक खुलाउने प्रयास भइरहेको छ। लगातार वर्षा भइरहेकाले थप पहिरोको जोखिम कायमै रहेको प्रहरीले जनाएको छ।
