काठमाडौं महानगर प्रहरी प्रमुख राजु पाण्डे काठमाडौं–४ बाट उम्मेदवार बन्ने तयारीमा
काठमाडौँ- काठमाडौं महानगरपालिकाका प्रहरी प्रमुख राजु पाण्डे आगामी फागुन २१ गते हुने प्रतिनिधिसभा निर्वाचनमा काठमाडौं–४ बाट उम्मेदवार बन्ने तयारीमा रहेका छन्। यसका लागि उनले मेयर बालेन शाहसँगै पदबाट राजीनामा दिने तयारी गरिरहेका छन्।
बालेन निकट स्रोतका अनुसार मेयर शाहले पाण्डेलाई काठमाडौं–४ बाट उम्मेदवार बनाउने तयारी गरेका छन्।
यद्यपि, पाण्डेले उम्मेदवारीबारे भने स्पष्ट प्रतिक्रिया दिएका छैनन्। “मैले कसैसँग उम्मेदवार बन्छु भनेर भनेको छैन,” उनले बताएका छन्।
काठमाडौं–४ बाट हालसम्म नेपाली कांग्रेसका महामन्त्री गगन थापा निरन्तर निर्वाचित हुँदै आएका छन् र यसपटक पनि चुनाव लड्ने तयारीमा छन्।
