सिनामंगल त्रासदी: ४ महिनाको छोराको हत्या आरोपमा प्रहरी अधिकारी थुनामा
काठमाडौँ- काठमाडौँमा चार महिनाका शिशुको हत्या आरोपमा त्रिभुवन विमानस्थलमा कार्यरत प्रहरी सहायक निरीक्षक (असई) पुष्कर कार्की पक्राउ परेका छन्। प्रहरीले कार्कीले आइतबार साँझ सिनामंगलस्थित आफ्नो कोठामा आफ्नै शिशु छोराको हत्या गरेको जनाएको छ।
कार्कीको घर डोटी हो भने घटनाको कारणबारे प्रहरीले खुलाएको छैन। उनी हाल काठमाडौँ प्रहरी परिसरमा थुनामा राखिएका छन् र सोमबार अदालतमा प्रस्तुत गरिनेछ।
कार्कीले प्रहरी जवान रहेका आफ्नी श्रीमतीमाथि समेत कुटपिट गरेको खुलेको छ। कुटपिटबाट घाइते भएकी श्रीमतीको काठमाडौँ केएमसी अस्पतालमा उपचार भइरहेको छ। उनकी अवस्था गम्भीर छैन।
