.jpg)
नेकपा (एकीकृत समाजवादी) संसदीय दलको बैठक आज दिउँसो १ बजे
काठमाडौँ - नेकपा (एकीकृत समाजवादी) ले आज, आइतबार, पार्टी केन्द्रीय कार्यालय आलोकनगरमा दिउँसो १ बजे संसदीय दलको बैठक बोलाएको छ। बैठकमा सरकारद्वारा प्रस्तुत आगामी आर्थिक वर्षको नीति तथा कार्यक्रममाथि छलफल हुने पार्टीका नेता डा. वेदुराम भुसालले जानकारी दिएका छन्।
बैठकमा सरकारको नीति तथा कार्यक्रमको मूल्याङ्कन गर्दै आगामी रणनीतिका बारेमा धारणा बनाइनेछ। प्रारम्भिक प्रतिक्रियामा पार्टीले सरकारको नीति र कार्यक्रमलाई उत्पादन वृद्धि, रोजगारी सिर्जना र सुशासनको हिसाबले कमजोर रहेको जनाएको छ। साथै, दिगो विकास र १६औं योजना लक्षित कार्यक्रमहरूको समावेशीकरणको अभाव रहेको पनि पार्टीको भनाइ छ।
