मेयर भरतकुमार थापाविरुद्ध विशेष अदालतमा तेस्रो दिनको सुनुवाइ जारी
काठमाडौं । सर्लाहीको बागमती नगरपालिकाका मेयर भरतकुमार थापाविरुद्ध दायर भ्रष्टाचार मुद्दामा आज तेस्रो दिन पनि सुनुवाइ हुँदै छ ।
गत मंगलबारदेखि विशेष अदालतका अध्यक्ष न्यायाधीश टेकनारायण कुँवर, न्यायाधीश तेजनारायण सिंह राई र विदुर कोइरालाको संयुक्त इजलासमा थापाविरुद्धको भ्रष्टाचार मुद्दामा सुनुवाइ भइरहेको हो ।
बहस नसकिएपछि मंगलबार र बुधबार मुद्दा हेर्दाहेर्दैमा राखिएको थियो । उक्त मुद्दामा आज थापाका कानुन व्यवसायी र सरकारी वकिलले बहस गर्नेछन् ।
अख्तियार दुरुपयोग अनुसन्धान आयोगले थापाविरुद्ध २०८० चैत २८ गते र २०८१ जेठ २९ गते फरक फरक अभियोग पत्र दायर गर्दै ३५ करोड ३० लाख रुपैयाँभन्दा बढी भ्रष्टाचार गरेको आरोपमा मुद्दा दायर गरेको थियो ।
