.jpg)
पूर्वराजा ज्ञानेन्द्रलाई काठमाडौंमा भव्य स्वागत, र्यालीसहित निर्मल निवास पुर्याइदै
काठमाडौं । पोखराबाट पूर्व राजा ज्ञानेन्द्र शाह काठमाडौं आइपुगेका छन् । ज्ञानेन्द्र केहीबेर अघि त्रिभुवन विमानस्थलमा ओर्लिएका हुन् ।समीट एयरको जहाजमार्फत ज्ञानेन्द्र काठमाडौं आएका हुन् । उनलाई पोखरमा राजावादीहरुले बिदाइ गरेका थिए । पोखरामा पञ्चेबाजासहित ज्ञानेन्द्रलाई बिदाई गरिएको थियो ।
काठमाडौंमा पूर्वराजालाई भव्य स्वागत गरिएको छ । त्रिभुवन विमानस्थल अगाडि समर्थकहरू जम्मा भइ बसेका छन् ।उनलाई राष्ट्रिय प्रजातन्त्र पार्टी , राप्रपा नेपाललगायत दलका कार्यकर्ता र राजतन्त्र समर्थकहरुले भव्य स्वागत गरेका हुन् । अहिले त्रिभुवन विमानस्थलबाहिर ठूलो संख्यामा भीड जम्मा भएको छ भने शाहलाई निर्मल निवास पुर्याउन र्याली आयोजना गरिएको छ ।
