सहकारी ठगी प्रकरणः रवि लामिछाने रुपन्देही जिल्ला अदालतमा उपस्थित
काठमाडौं । पूर्वउपप्रधान एवं गृहमन्त्रीसमेत रहेका राष्ट्रिय स्वतन्त्र पार्टी (रास्वपा)का सभापति रवि लामिछाने जिल्ला अदालत रुपन्देहीमा हाजिर भएका छन् ।
बुटवलस्थित सुप्रिम सहकारी ठगीविरुद्ध मुद्दा दायर भएपछि बयानका लागि उनी मंगलबार भैरहवा पुगेका थिए । अदालतका सूचना अधिकारी अनन्तराज मरासिनीका अनुसार बुधवार कार्यालय खुलेलगत्तै लामिछाने हाजिर भएका हुन् ।
जिल्ला सरकारी वकिल कार्यालय रुपन्देहीले गत आइतबार जिल्ला अदालत रुपन्देहीमा मुलुकी फौजदारी अपराध संहिताको ठगी कसुर र संगठित अपराधको कसुरमा मुद्दा दायर गरेको हो ।
सरकारी वकिल कार्यालयका अनुसार यो प्रकरणमा संगठित रुपमा ठगी भएको ठहर गर्दै ४२ जना प्रतिवादीविरुद्ध मुद्दा दर्ता गरिएको छ।
