बढ्न थाल्यो जाडो, मुटु रोगसम्बन्धी जोखिम बढी
काठमाडौं । मंसिर महिना प्रारम्भ हुन एक साता बाँकी नै छ, तर काठमाडौं उपत्यका लगायत अधिकांश पहाडी भूभागमा बिहान–बेलुका चिसो अनुभव गर्न थालिएको छ । तराईमा पनि बिहान र बेलुका चिसो हुन थालिसकेको छ । मंसिर लागेसंगै चिसोको मात्रा अझ बढ्ने निश्चित छ ।
कतिपय स्थानमा अहिले नै हिमपात हुन थालेका समाचारहरु सार्वजनिक भैसकेका छन् । चिसो बढ्दै जाँदा जनजीवनसमेत प्रभावित हुन थाल्छ ।
चिसो मौसममा विरामी तथा ज्येष्ठ नागरिकहरुलाई हृदयाघात हुने सम्भावना बढी हुने मुटु रोग विशेषज्ञहरुको भनाइ छ । चिकित्सकहरुका अनुसार गर्मी महिनाको तुलनामा जाडो महिनामा मानिसहरुमा मुटु रोगसम्बन्धी जोखिम बढी रहन्छ । जाडोमा चिसोले रक्त नली र शरीरमा पार्ने प्रभावका कारण यस्तो समस्या देखिने चिकित्सकहरुको भनाई छ ।
