सांघाईमा लकडाउनपछि कोरोनाबाट पहिलोपटक ३ जनाको मृत्यु
काठमाडौँ, ६, वैशाख । चीनको आर्थिक केन्द्र मानिने सांघाईमा लकडाउनपछि कोरोना संक्रमणबाट पहिलोपटक तीनजनाको मृत्यु भएको छ ।
स्थानीय स्वास्थ्य आयोगद्वारा जारी विज्ञप्तिमा मृत्यु भएका ८९ देखि ९१ वर्षका तीन वृद्धको कोरोना संक्रमणबाट मृत्यु भएको जनाइएको छ । आयोगका अनुसार ती तीनैजनाले कोभिडविरुद्ध खोप लगाएका थिएनन् ।
कोभिड नियन्त्रण गर्ने उद्देश्यले केही सातादेखि सांघाईमा लकडाउन गरिएको छ। ओमिक्रोन भेरिएन्टका कारण कोरोनाको प्रकोप फैलिएको पत्ता लागेपछि लकडाउन जारी गरिएको हो । सांघाईमा यसअघि कोभिडका कारण कसैको मृत्यु नभएको दाबी आयोगको दाबी छ । सांघाईमा सोमबार थप २२ हजार २४८ जनामा कोरोना संक्रमण पुष्टि भएको छ ।
दसौँ लाख मानिस अहिले घरभित्र बस्न बाध्य छन् ।
