भारतमा ३ लाख ६ हजार संक्रमित थपिए, ४३९ जनाको मृत्यु
काठमाडौँ, १०, माघ । भारतमा पछिल्ला पाँच दिनमा लगातार कोरोनाभाइरसका ३ लाखभन्दा बढी संक्रमित थपिएका छन् । त्यहाँको स्वास्थ्य मन्त्रालयका अनुसार पछिल्लो २४ घण्टामा ३ लाख ६ हजार जना संक्रमित भेटिएका छन् ।
सोही अवधीमा ४३९ जनाले ज्यान गुमाएका छन् भने २ लाख ४३ हजार जना निको भएका छन् ।
सक्रिय संक्रमित संख्या २२ लाख ७५ हजार पुगेको छ । पछिल्ला दिनमा नयाँ संक्रमित संख्यामा केही कमी आएको छ । सोमबारबो संक्रमित संख्या आइतबारभन्दा २७ हजार अर्थात ८.२३ प्रतिशतले कम हो । भारतमा तेस्रो लहरको पिक अहिलेसम्म आउन सकेको छैन ।
भारतमा तेस्रो लहरको पिक आगामी १४ दिनमा आउने विभिन्न अध्ययनले देखाएका छन् ।
