हिजो भन्दा आज बढ्यो संक्रमणदर, यति धेरै भेटीए
काठमाडौँ ३२ साउन । आज नेपालमा कोरोना भाइरसका ३ हजार ४ सय ५१ जना संक्रमित थपिएका छन् । योसंगै कुल संक्रमितको संख्या ७ लाख ३४ हजार ८ सय ३८ पुगेको स्वास्थ्य तथा जनसंख्या मन्त्रालयले जनाएको छ ।
आज २ हजार ४ सय ५८ जना संक्रमणमुक्त भएका छन् । योसँगै नेपालमा ६ लाख ८५ हजार १ सय ४० जना संक्रमणमुक्त भएका हुन् । मन्त्रालयको अनुसार पछिल्लो २४ घन्टामा १५ हजार ६ सय ११ जनाको परीक्षणमा २५ सय ६६ पिसीआर र ८ सय ८५ एन्टिजेन विधिबाट संक्रमण पुष्टि भएको हो ।
त्यस्तै कोरोना संक्रमणबाट आज थप ३५ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या १० हजार ३ सय २७ पुगेको स्वास्थ्य मन्त्रालयले जनाएको छ ।
