ओखलढुंगामा कोरोना संक्रमणबाट थप दुई जनाको मृत्यु
काठमाडौँ, १७, साउन । कोरोना भाइरस संक्रमणबाट ओखलढुंगामा थप दुई पुरुषको मृत्यु भएको छ। सिद्धिचरण नगरपालिका-१२ का ६९ वर्षीय र वडा नम्बर ११ का ७० वर्षीय पुरुषको कोरोना संक्रमणबाट मृत्यु भएको हो।
वडा नम्बार ११ का पुरुषको गएराति उपचारका क्रममा ओखलढुंगा सामुदायिक अस्पतालमा मृत्यु भएको जिल्ला स्वास्थ्य कार्यालय प्रमुख सुमन तिवारीले जानकारी दिए। कोरोना संक्रमण देखिएपछि यही साउन ९ गते उनलाई अस्पताल भर्ना गरिएको थियो।
यस्तै, वडा नम्बर १२ का एक पुरुषको आज बिहान मृत्यु भएको हो। उनी यही साउन १४ गते कोरोना संक्रमित भएर अस्पतालमा भर्ना भएका थिए। उनको अस्पतालमा उपचाररत रहँदा नै मृत्यु भएको स्वास्थ्य कार्यालयले जनाएको छ।
ओखलढुंगामा कोरोना संक्रमण भएर मृत्यु हुनेको संख्या ११ पुगेको छ।
वडा नम्बार ११ का पुरुषको गएराति उपचारका क्रममा ओखलढुंगा सामुदायिक अस्पतालमा मृत्यु भएको जिल्ला स्वास्थ्य कार्यालय प्रमुख सुमन तिवारीले जानकारी दिए। कोरोना संक्रमण देखिएपछि यही साउन ९ गते उनलाई अस्पताल भर्ना गरिएको थियो।
यस्तै, वडा नम्बर १२ का एक पुरुषको आज बिहान मृत्यु भएको हो। उनी यही साउन १४ गते कोरोना संक्रमित भएर अस्पतालमा भर्ना भएका थिए। उनको अस्पतालमा उपचाररत रहँदा नै मृत्यु भएको स्वास्थ्य कार्यालयले जनाएको छ।
ओखलढुंगामा कोरोना संक्रमण भएर मृत्यु हुनेको संख्या ११ पुगेको छ।
