चन्द्रागिरीले हरेक हप्ता राजमार्ग सरसफाई गर्ने
काठमाडौँ । चन्द्रागिरी नगरपालिकाले हरेक हप्ता राजमार्ग सरसफाई गर्ने भएको छ । सडक सौन्दर्यका लागि नगरपालिकाले हरेक हप्ता सफाई गर्न लागेको हो ।
बसबाट यात्रुले जथाभावी फोहोर फाल्दा सडक फोहोर भएकाले हरेक हप्ता सफाई गर्न लागेको नगरपालिकाका प्रमुख घनश्याम गिरीले बताए । “चन्द्रागिरिले चालु आर्थिक वर्षका लागि सडक सरसफाइमा रु २० लाख र राजमार्गको बीचभागमा सडक डिभाइडर, तारजाली राख्नका साथै त्यसमा इनामेल तथा रङरोगन गर्नका लागि रु ५० लाख रकम विनियोजन गरेको छ" । नगरप्रमुख गिरिले भने ।
उक्त नगरपालिकाले रु एक करोड लागतमा पिप्लामोड–नागढुङ्गा–कलङ्की क्षेत्रमा सडक बत्तीसमेत राख्न लागेको छ । यसैगरी, सो नगरपालिकाले राजमार्ग क्षेत्रमा हुने आपराधिक क्रियाकलाप नियन्त्रणका लागि एक करोडको लगानीमा ६८ वटा अत्याधुनिक सिसि क्यामरा जडान गरिसकेको छ ।
चन्द्रागिरि नगरपालिकामै एशियाली विकास बैँकको सहयोगमा नेपालकै पहिलो सुरुङ मार्गसमेत निर्माण हुन लागेको छ । जसको निर्माण कार्य धमाधम भइरहेको छ ।
बसबाट यात्रुले जथाभावी फोहोर फाल्दा सडक फोहोर भएकाले हरेक हप्ता सफाई गर्न लागेको नगरपालिकाका प्रमुख घनश्याम गिरीले बताए । “चन्द्रागिरिले चालु आर्थिक वर्षका लागि सडक सरसफाइमा रु २० लाख र राजमार्गको बीचभागमा सडक डिभाइडर, तारजाली राख्नका साथै त्यसमा इनामेल तथा रङरोगन गर्नका लागि रु ५० लाख रकम विनियोजन गरेको छ" । नगरप्रमुख गिरिले भने ।
उक्त नगरपालिकाले रु एक करोड लागतमा पिप्लामोड–नागढुङ्गा–कलङ्की क्षेत्रमा सडक बत्तीसमेत राख्न लागेको छ । यसैगरी, सो नगरपालिकाले राजमार्ग क्षेत्रमा हुने आपराधिक क्रियाकलाप नियन्त्रणका लागि एक करोडको लगानीमा ६८ वटा अत्याधुनिक सिसि क्यामरा जडान गरिसकेको छ ।
चन्द्रागिरि नगरपालिकामै एशियाली विकास बैँकको सहयोगमा नेपालकै पहिलो सुरुङ मार्गसमेत निर्माण हुन लागेको छ । जसको निर्माण कार्य धमाधम भइरहेको छ ।
