अब विदेशबाट फर्कनेले सिधै होम क्वारेन्टाइनमा बस्न पाउने
काठमाडौँ १४ असार । अब विदेशबाट स्वदेश फर्किएकाहरु मापदण्ड पुरा गरेर स्व क्वारेन्टाइनमा बस्ने गरी सिधै आफ्नै घर जान पाउने भएका छन् । मन्त्रिपरिषदले कोरोना विरुद्ध को खोप को मात्रा पूरा गरी खोप लगाएको प्रमाणपत्र प्राप्त गरेका र कोभिड-१९ परीक्षण रिपोर्ट नेगेटिभ भएका हवाई मार्गबाट आएका यात्रुहरु लाई १० दिन स्व क्वारेन्टाइनमा बस्ने गरी सिधै गन्तव्यमा जान दिन सकिने निर्णय गरेको छ । तर, किरियकाज बस्न पर्ने, अशक्त, जेष्ठ नागरिक(७० वर्ष माथि) र, नाबालक(५ वर्ष मुनि) र सँगै आएका आमा बा, फरक क्षमता भएका, दीर्घ रोगी, बिरामी सँगै आएका कुरुवा बाहेक अन्य को हक मा ७ दिन तोकिएको होटल क्वारेन्टाइन बस्न पर्ने जनाइएको छ ।
