ओमनले विदेशी लगानीकर्तालाई दश वर्षे भिसा दिने
काठमाडौँ १३ असार । ओमनले विदेशी लगानीकर्तालाई दश वर्षे भिसा दिने घोषणा गरेको छ । सो घोषणा पछि अब ओमनमा लगानी गर्न चाहने विदेशी लगानीकर्ताले पाँचवर्षे नवीकरणीय भिसा तथा दश वर्षे आवासीय पाउने भएका छन् । ओमनले वैदेशिक लगानी आकर्षित गर्न विदेशी लगानीकर्तालाई विभिन्न सुविधा समेत दिइने घोषणा गरेको छ।
विदेशी लगानीकर्ताका लागि उद्योग, पर्यटन, खानी, कृषि, मत्स्यपालन, शिक्षा, स्वास्थ्य र सूचना प्रविधिलगायतका क्षेत्रलाई लक्षित गरी अगाडि सारिएको छ । त्यस्तै यो कार्यक्रमले ओमनलाई विश्व बजारमा प्रतिस्पर्धी बन्न, व्यापार बढाउन, उद्योगलाई सुदृढ पार्न र लगानीकर्तालाई सशक्तीकरण गर्न मद्दत पुग्ने समेत अपेक्षा गरिएको छ । कार्यक्रमले दीर्घकालीन विकासको भावनाअनुरूप उत्पादन, वितरण तथा वस्तु एवं सेवाको खपतसँग सम्बन्धित ‘ग्रिन एन्ड सर्कुलर इकोनोमी’लाई प्रवर्द्धन गर्ने विश्वास समेत गरिएको छ।
विदेशी लगानीकर्ताका लागि उद्योग, पर्यटन, खानी, कृषि, मत्स्यपालन, शिक्षा, स्वास्थ्य र सूचना प्रविधिलगायतका क्षेत्रलाई लक्षित गरी अगाडि सारिएको छ । त्यस्तै यो कार्यक्रमले ओमनलाई विश्व बजारमा प्रतिस्पर्धी बन्न, व्यापार बढाउन, उद्योगलाई सुदृढ पार्न र लगानीकर्तालाई सशक्तीकरण गर्न मद्दत पुग्ने समेत अपेक्षा गरिएको छ । कार्यक्रमले दीर्घकालीन विकासको भावनाअनुरूप उत्पादन, वितरण तथा वस्तु एवं सेवाको खपतसँग सम्बन्धित ‘ग्रिन एन्ड सर्कुलर इकोनोमी’लाई प्रवर्द्धन गर्ने विश्वास समेत गरिएको छ।
