बहराइनले नेपाली कामदारलाई नलिने
काठमाडौँ ३१ जेठ । अब बहराइनले नेपाली कामदारलाई नलिने भएको छ। बहराइनको श्रम बजारलाई नियमन गर्ने निकाय ‘लेबर मार्केट रेगुलाटरी अथोरिटी’ ले आइतबार नयाँ भिसा ‘वर्क परमिट’ इस्यु नगर्ने घोषणा गरेको हो। विभागले केही समयका लागि यो नियम लागु गरेको हो।
हाल विश्व महामारीको रुपमा फैलिएको कोरोना भाईरसको उच्च जोखिम ‘रेड लिस्ट’ मा रहेको देशका कामदारलाई आफ्नो देशमा प्रवेश गर्न प्रतिबन्ध लगाउने निर्णय गरेको छ । नेपाललाई २४ मेमा ‘रेड लिस्ट’ मा समावेश गरिएको थियो। भियतनामबाहेक अन्य देशलाई पनि सोही दिन ‘रेड लिस्ट’ मा समावेश गरिएको हो।
