काठमाडौं । भारत सरकाले आर्थिक वर्ष सन् २०२०/२१ को लागि बजेट सार्वजनिक गरेको छ। भारतीय वित्त मन्त्री निर्मला सीतारमणले तीन खर्ब ७९ अर्ब ७७ करोड अमेरिकी डलर अर्थात् २६९ खर्ब ८५ अर्ब भारुको बजेट सार्वजनिक गरेकी हुन्। 

योसंगै भारतबाट नेपालले पाउने बार्षिक अनुदानमा पनि वृद्धि भएको छ । आर्थिक बर्ष २०२१/२२ को केन्द्रिय बजेट सार्वजनिक गर्दै सीतारमणले गत आवको तुलनामा यो बर्ष नेपालले पाउने अनुदानमा १ अर्ब ८९ करोड रुपैयाँले बढेको बताएकी हुन । 

भारतीय वित्त मन्त्रालयका अनुसार यो वर्ष नेपालले भारतबाट ९ अर्ब ९२ करोड भारु (१५ अर्ब ८७ करोड रुपैयाँ) प्राप्त गर्ने भएको छ । यसअघि आव २०१९/२० मा नेपालले पाउने अनुदान ११ अर्ब ९८ करोड थियो । गत वर्षको बजेटले यसलाई कटौती गरी ८ अर्ब ८० करोड भारुमा झारेको थियो ।

यो बजेट अप्रिल २०२१ बाट कार्यान्वयनमा आउने छ । भारतले यो बर्ष पहिलो पटक पेपरलेस बजेट ल्याएको छ ।