सुनको मूल्य एकैदिन तोलामा १३ हजार ३०० रुपैयाँले बढ्यो
कार्तिक २१। बजारमा सुनको मूल्यमा एकैदिन ठूलो वृद्धि भएको छ। नेपाल सुनचाँदी व्यवसायी महासंघका अनुसार बिहीबार सुनको मूल्य प्रतितोला १३ हजार ३०० रुपैयाँले बढेर २ लाख ८८ हजार ९०० रुपैयाँ पुगेको छ। यसअघि बुधबार सुन प्रतितोला २ लाख ७५ हजार ६०० रुपैयाँमा कारोबार भएको थियो।
त्यस्तै, सुनसँगै चाँदीको मूल्यमा पनि वृद्धि भएको छ। बिहीबार चाँदी प्रतितोला २६५ रुपैयाँले बढेर ३ हजार ९२० रुपैयाँ पुगेको महासंघले जनाएको छ। अन्तर्राष्ट्रिय बजारमा सुनको मूल्यमा आएको उतारचढावको प्रभाव नेपाली बजारमा समेत परेको छ। एकैदिन सुनको मूल्यमा आएको यो ठूलो वृद्धिले उपभोक्ता, सुन व्यवसायी तथा गरगहना खरिद गर्ने तयारीमा रहेका सर्वसाधारणलाई प्रत्यक्ष असर पार्ने देखिएको छ।
ujy
