लेदो पन्छाएपछि मुग्लिन–नारायणगढ सडकखण्डमा यातायात सहज
असोज २। मुग्लिन–नारायणगढ सडकखण्डको १५ किलोमा माथिबाट लेदो सडकमा खसेपछि केही समय एकतर्फी अवरुद्ध भएको सडक अहिले दुईतर्फी सञ्चालनमा आएको छ। सडकमा खसेको लेदो हटाएपछि यातायातका साधनलाई दुवैतर्फबाट आवागमनको व्यवस्था मिलाइएको हो। सडक खुला भएसँगै रोकिएका तथा नियमित रूपमा गुडिरहेका सवारीसाधनहरू आफ्नो गन्तव्यतर्फ अघि बढिरहेका छन्। वर्षायामका कारण यस सडकखण्डमा पहिरो तथा लेदो खस्ने जोखिम कायमै रहेकाले यात्रा गर्दा सावधानी अपनाउन आग्रह गरिएको छ।
