दक्षिण सुडानमा नेपाली सेनाको मानवीय पहल: १९० विद्यार्थीलाई शैक्षिक तथा खेलकुद सामग्री वितरण
असोज १। संयुक्त राष्ट्रसंघीय मिसन (UN Mission) मा कार्यरत नेपाली सेनाले दक्षिण सुडानको राजधानी जुबास्थित एक प्राथमिक विद्यालयमा १९० जना विद्यार्थी तथा शिक्षकसँग अन्तरक्रिया गरेको छ।
विद्यार्थीहरूलाई शिक्षा हासिल गर्न तथा उज्ज्वल र सफल भविष्य निर्माणतर्फ अघि बढ्न प्रेरित गर्ने उद्देश्यले नेपाली सेनाले खेलकुद तथा शैक्षिक सामग्री वितरण गरेको जनाएको छ।
नेपाली सेनाको यस्तो पहलले स्थानीय विद्यार्थीहरूमा अध्ययनप्रति उत्साह बढाउनुका साथै नेपाल र दक्षिण सुडानबीचको मानवीय सम्बन्धलाई समेत थप बलियो बनाउने अपेक्षा गरिएको छ।
