पाँचथरको रानीटारमा रोपाइँ जात्राको उत्सव
भाद्र ३०। पाँचथरको रानीटारमा परम्परागत रोपाइँ जात्रा उत्साहका साथ मनाइएको छ। धान रोपाइँको मौसम र कृषि संस्कृतिसँग जोडिएको यस जात्रामा स्थानीयवासी परम्परागत भेषभूषामा सहभागी हुँदै नाचगान, सांस्कृतिक प्रस्तुति तथा विभिन्न गतिविधिमार्फत उत्सव मनाएका छन्। वर्षभरि राम्रो उत्पादन र समृद्धिको कामनासहित मनाइने रोपाइँ जात्राले स्थानीय मौलिक संस्कृति, परम्परा र सामुदायिक एकतालाई समेत उजागर गरेको छ।
