रोलिङ प्लान्सको २३औँ वार्षिकोत्सव सम्पन्न
काठमाडौं — रोलिङ प्लान्स प्रा.लि.ले आफ्नो स्थापनाको २३औँ वार्षिकोत्सव हर्षोल्लासका साथ मनाएको छ। विगत २३ वर्षदेखि विभिन्न चुनौती, परिवर्तन र उपलब्धिहरू पार गर्दै कम्पनीले निरन्तर आफ्नो व्यावसायिक यात्रा अगाडि बढाउँदै आएको छ।
वार्षिकोत्सवका अवसरमा कम्पनीका अध्यक्ष अनुप जंगमले रोलिङ प्लान्सको २३ वर्षे यात्रामा प्रत्यक्ष तथा अप्रत्यक्ष रूपमा योगदान पुर्याउने वर्तमान तथा पूर्व कर्मचारी, सहकर्मी, ग्राहक, साझेदार तथा शुभेच्छुकहरूप्रति हार्दिक आभार व्यक्त गर्नुभयो।
अध्यक्ष जंगमले कुनै पनि संस्थाको दीर्घकालीन सफलता एक व्यक्तिको प्रयासबाट नभई सामूहिक मेहनत, विश्वास र सहकार्यबाट सम्भव हुने उल्लेख गर्दै आगामी दिनमा पनि नयाँ सोच, प्रविधि र युवा पुस्तालाई अवसर दिँदै रोलिङ प्लान्सलाई अझ सुदृढ संस्थाका रूपमा अगाडि बढाउने प्रतिबद्धता व्यक्त गर्नुभयो।
कार्यक्रममा कम्पनीका प्रमुख कार्यकारी अधिकृत (CEO) सन्तोष भारती तथा निर्देशक निशा केसीको समेत उपस्थिति रहेको थियो। कम्पनीका पदाधिकारी तथा टिम सदस्यहरूको उपस्थितिमा केक कटिङ समारोहसहित २३औँ वार्षिकोत्सव कार्यक्रम सौहार्दपूर्ण वातावरणमा सम्पन्न भएको थियो।
“छिटो जानु छ भने एक्लै जान सकिन्छ, तर टाढासम्म पुग्नु छ भने सँगै हिँड्नुपर्छ।” यही भावनालाई आत्मसात् गर्दै रोलिङ प्लान्सले आगामी वर्षहरूमा पनि आफ्ना मूल्य, सम्बन्ध र अनुभवलाई जोगाउँदै नयाँ सम्भावनातर्फ यात्रा जारी राख्ने जनाएको छ।
रोलिङ प्लान्स प्रा.लि.
काठमाडौं, नेपाल
