ग्यास अभावबीच उद्योगमन्त्री गौरीकुमारी यादवले दिइन् राजीनामा
भाद्र २५। उद्योग, वाणिज्य तथा आपूर्तिमन्त्री गौरीकुमारी यादवले पदबाट राजीनामा दिएकी छन्। पछिल्लो समय देशभर ग्यासको अभाव देखिएपछि सरकारको आपूर्ति व्यवस्थापनप्रति चौतर्फी आलोचना र विरोध भइरहेको थियो। ग्यास सहज रूपमा उपलब्ध गराउन नसकेको विषयमा मन्त्री यादवमाथि समेत दबाब बढ्दै गएको थियो। यहीबीच उनले मन्त्री पदबाट राजीनामा दिएको बताइएको छ। उनको राजीनामालाई पछिल्लो ग्यास संकट र मन्त्रालयको आपूर्ति व्यवस्थापनसँग जोडेर हेरिएको छ।
