पूर्वप्रधानमन्त्री देउवा बाढी प्रभावित क्षेत्रको अवस्था बुझ्न नुवाकोट जाँदै
भाद्र २५। पूर्वप्रधानमन्त्री एवं नेपाली कांग्रेसका पूर्वसभापति शेरबहादुर देउवा बाढी प्रभावित क्षेत्रको अवस्था बुझ्न तथा पीडितलाई राहत सामग्री वितरण गर्न आज नुवाकोट जाने भएका छन्। देउवाको सचिवालयका अनुसार उनी राहत सामग्रीसहित बिहान ९ बजे काठमाडौंबाट सडकमार्ग हुँदै नुवाकोट प्रस्थान गर्ने कार्यक्रम छ। नुवाकोट पुगेपछि उनले बाढीबाट प्रभावित क्षेत्रको स्थलगत निरीक्षण गर्दै स्थानीयवासी तथा पार्टीका नेता–कार्यकर्तासँग क्षतिको अवस्थाबारे जानकारी लिनेछन्। कार्यक्रमअनुसार विदुरको ढुङ्गे तथा देवीघाट क्षेत्रमा बाढीले पुर्याएको क्षतिको समेत अवलोकन गर्ने तयारी छ।
नुवाकोट बाढीबाट प्रभावित प्रमुख जिल्लामध्ये एक हो र जिल्ला प्रशासन कार्यालयले पछिल्ला दिनहरूमा पनि प्रभावित तथा उद्धारसम्बन्धी विवरण सार्वजनिक गर्दै आएको छ।
