बाढीपीडित व्यवसायीलाई सरकारको राहत प्याकेज
भाद्र २२। भोटेकोशी बाढीबाट प्रभावित उद्योगी तथा व्यवसायीलाई सरकारले कर छुट, भन्सार महसुल छुट, कर्जा पुनरसंरचना तथा ब्याजमा सहुलियत र बीमा दाबी भुक्तानीमा सहजता दिने भएको छ। बाढीले क्षति पुर्याएका व्यावसायिक सवारी, मेसिन तथा उपकरण पुनः आयात गर्दा सम्पूर्ण भन्सार महसुल छुट दिने व्यवस्था गरिएको छ। प्रभावित व्यवसायीले बैंकबाट लिएको कर्जाको साँवा–ब्याज पुनरसंरचना वा पुनर्तालिकीकरण गर्न सक्नेछन् भने एक वर्षसम्म आधारदरमा अधिकतम ०.५ प्रतिशत बिन्दु प्रिमियममा सहुलियत कर्जा उपलब्ध गराइनेछ। त्यस्तै, बीमा दाबीको प्रारम्भिक मूल्याङ्कनका आधारमा ५० प्रतिशतसम्म अग्रिम भुक्तानी गर्न सकिने व्यवस्था गरिएको छ।
