बाढीपीडितमाथि घृणात्मक टिप्पणी गर्नेमाथि साइबर ब्युरो सक्रिय
भाद्र २२। भोटेकोशी बाढीबाट प्रभावित पीडित तथा उद्धार कार्यलाई लक्षित गरी सामाजिक सञ्जालमा अपमानजनक, आपत्तिजनक र घृणात्मक टिप्पणी गर्नेहरूमाथि नेपाल प्रहरीको साइबर ब्युरोले निगरानी बढाएको छ। यस्ता गतिविधिमा संलग्न व्यक्तिहरूको पहिचान गरी आवश्यक कानुनी कारबाही अघि बढाउने उद्देश्यले ब्युरोले विशेष टोली परिचालन गरेको जनाएको छ। विपत्तिको संवेदनशील अवस्थामा पीडितको भावनामा चोट पुर्याउने तथा सामाजिक सद्भाव भड्काउने सामग्रीप्रति गम्भीर हुँदै साइबर ब्युरोले सामाजिक सञ्जाल प्रयोगकर्तालाई जिम्मेवार र संयमित हुन आग्रह गरेको छ।
