भारतले नुवाकोटको बाढीपीडित विद्यालय पुनर्निर्माण गर्ने
भाद्र १८। नुवाकोटको बाढीबाट पूर्ण रूपमा क्षतिग्रस्त बनेको त्रिभुवन त्रिशूली माध्यमिक विद्यालय भारतको सहयोगमा पुनर्निर्माण हुने भएको छ। बाढी आउनुअघि विद्यालयका प्रधानाध्यापकले समयमै विद्यार्थीलाई सुरक्षित स्थानमा सारेका कारण विद्यालयमा अध्ययनरत करिब १,६०० विद्यार्थीको ज्यान जोगिएको थियो। तर बाढीले विद्यालय भवन तथा भौतिक संरचनामा ठूलो क्षति पुर्याएको थियो। भारतले विद्यालयको पुनर्निर्माणमा सहयोग गर्ने निर्णय गरेपछि बाढीबाट प्रभावित विद्यार्थीले पुनः सुरक्षित र व्यवस्थित वातावरणमा अध्ययन गर्न पाउने अपेक्षा गरिएको छ।
