७८ वर्षीय धनपति भण्डारीको प्रेरणादायी सहयोग
भाद्र १७, २०८३। राष्ट्रिय विपद्का बेला सहयोग गर्ने भावना उमेरले रोक्दैन भन्ने उदाहरण ७८ वर्षीय धनपति भण्डारीले प्रस्तुत गरेका छन्। उनले सिंहदरबार पुगेर अर्थमन्त्री स्वर्णिम वाग्लेलाई आफैं भेटी प्रधानमन्त्री दैवी प्रकोप उद्धार कोषका लागि रु. ७ लाख ७७ हजार ७७७ रुपैयाँको चेक हस्तान्तरण गरेका छन्। देश विपद्को कठिन परिस्थितिबाट गुज्रिरहेका बेला आफ्नो व्यक्तिगत तर्फबाट यति ठूलो रकम सहयोग गर्दै भण्डारीले प्रभावित नागरिकको राहत र उद्धारमा साथ दिएका हुन्। उनको यो पहलले आर्थिक सहयोगभन्दा पनि विपद्मा एकअर्कालाई साथ दिनुपर्ने मानवीय भावना र नागरिक जिम्मेवारीको प्रेरणादायी सन्देश दिएको छ।
