रसुवा अस्पतालमा बाढीका २४ घाइते, एकको मृत्यु; ६ गम्भीरलाई रेफर
भाद्र ११, २०८३ । रसुवामा आएको बाढीका कारण घाइते भएका २४ जनालाई रसुवा अस्पतालमा उपचारका लागि ल्याइएको छ। तीमध्ये उपचारका क्रममा एक जनाको मृत्यु भएको छ गम्भीर अवस्थामा रहेका ६ जना घाइतेलाई अस्पतालमा आवश्यक उपचारपछि थप स्वास्थ्य सुविधा आवश्यक पर्ने भएकाले अन्य अस्पतालमा रेफर गरिएको छ। बाढीका कारण जिल्लाका विभिन्न क्षेत्रमा जनधनको क्षति भएपछि घाइते तथा प्रभावितको उद्धार र उपचारलाई प्राथमिकता दिइएको छ। प्रभावित क्षेत्रबाट उद्धार गरिएका घाइतेलाई स्वास्थ्य संस्थासम्म पुर्याउने कामसमेत जारी रहेको छ। मौसम तथा भौगोलिक अवस्थाका कारण उद्धार कार्यमा चुनौती देखिए पनि सुरक्षाकर्मी तथा स्वास्थ्यकर्मीले खोज, उद्धार र उपचारलाई निरन्तरता दिएका छन्।
